Núm. 38. Reg.n. 1378. fol. 74. 2 dic. 1341.

Núm. 38. 

Reg.n. 1378. fol. 74. 2 dic. 1341.

Petrus etc. Nobili et dilecto amiranto nostro Petro de Montechatheno salutem etc. Intimante nobis illustri rege Castelle percepimus cum displicencia vehementi quod licet vobis dederimus nostris litteris in mandatis quod a trajectu Tarife nullatenus recedatis donec decem galee quas nunc Valentie et Barchinone armari fecimus ad trajectum applicuerint memoratum vos inde recedere proponitis contemptis mandatis nostris et divinis ac nostris servitiis retrojectis de quo admirationem sumpsimus vehementem. Quocirca vobis dicimus et districte precipiendo mandamus sub pena nostre gracie et mercedis ac amissionis officii supradicti quatenus in ipso remaneatis trajectu et ab inde nullatenus recedatis donec dicte decem galee inibi fuerint ut prefertur: alioquin Clementi de Villanova et Guillermo Sanctii damus hujus serie firmiter in mandatis quod in stolio galearum quas tenetis nunc inibi amirantie officium teneant regant et exerceant donec nos super ipso officio duxerimus aliter providendum. Mandamus etiam universis et singulis stolii memorati quod remaneant inibi usque ad tempus predictum eisdemque regentibus officium amirantie pareant obediant et attendant prout amiranto obedire est solitum et attendi. Datum Valencie IIII nonas decembris anno Domini millessimo CCC°XL° primo.
- Subscripsit Arnaldus. - B. Sicardi mandato Domini regis.

39

Núm. 37. Reg.n. 1378. fol. 69. 30 oct. 1341.

Núm. 37.

Reg.n. 1378. fol. 69. 30 oct. 1341.

Petrus etc. inclito infanti Raimundo Berengarii comiti Montanearum de Prades patruo nostro carissimo salutem et intime dileccionis affectum. Sicut per ardita certa didicimus que jam in publicam perveniunt notionem rex ille Marrocorum perfidus majora navigia preparat et ampliores exercitus ac disponit potentius quam anno proxime lapso fecerit ad partes Ispanie cifretare moliens in eis diruere quod avertat Altissimus Christi cultum: cumque quanto potior adversatur potentia tanto major et longior sit defensionis preparatio adhibenda ex causa predicta et ad exhibia requisitionis instantia illustris regis Castelle armatas maris providimus per administratores earum fieri festine ac solito potiores. Quocirca carissime patrue quia facultas peccunie nunc in posse administratorum Elemosine regni Valentie existens ad armatas non suficeret memoratas si cogerentur ipsi administratores solvere vobis per eos debitam quantitatem: vos intimis affectibus deprecamur quatenus solutionem dicte quantitatis velitis et placeat prorogare. Data Valentie III kalendas novembris anno Domini millesimo CCC°XL primo.
- A. vicecancellarius. - R. Sicardi mandato domini regis facto in consilio.

38