CLII. Secret. 2. Alfon.IV. Fol. 153 ?. 11 ene. 1418.

CLII. 

Secret. 2. Alfon.IV. Fol. 153 ?. 11 ene. 1418.

Sanctissime ac beatissime pater: si ad nunc per tot lamentabiles dies in tempora tragedicos sermones conteximus: si palmis nostra pectora gemebunda ad ethera devote inspicientes percussimus et si vacavimus lacrimis crinibus dissolutis deflexit corda filiorum ad luctum pia mater unico viduata conjugio habens in relegacionibus natos suos nonnullis ad impudica sibi illam oscula sociare molientibus et pro uno tribus adulterinis amplexibus famulari. Hec quidem est illa que dixit: Leva ejus sub capite meo et dextera illius amplexabitur me. Sed tandem benedictus Pater cunctipotens qui respicit in faciem populi sui S. V. elegit et preelegit ut ecclesiam suam de variis laboribus et erroribus scismatis respiraretis ad pacem. Ab quam mirabiles pater beatissime erant elaciones maris sed mirabilior fuit aura quantitas tantarum turbine procellarum. Hec quippe fuit toto orbe cantabilis vestra ad apicem Dei servorum famulatus eleccio hec beata vestre sublimitatis ad culmen honorum et laborum gloriosa assumpcio in qua et de qua laudant angeli exultant chori et gaudent populi religionis orthodoxe universi enarrant celi gloriam Dei et terre concupite unionis ejus ecclesie nunciant firmamentum. Ideo supposuit ei columnam fortitudinis ex una lapide et diversitate vigoris id est tot eligencium unanimitate a sede propia antiqua urbe susceptam positam super petram ecclesie principum et regum nominis Jesuchristi ut hec timeat inundaciones aquarum nec orrendi scismatis tempestates et fluctus. Nos enim beatissime pater quem interne juventutis flore prosequcio dicte unitatis post immolacionem gloriosi recordii domini regis genitoris nostri a gremio genitricis ad diversas curas et labores eduxit exultamus et letamur in Domino letamur etiam in nobis ipso quia suscepto ad sui gloriam dicto domino patre nostro patrem nobis instituit ductorem nostre juventutis protectorem et benefactorem propicium et benignum.
Preterea quia longum esset tantam materiam calamo protelare per oratores nostros e vostigio dirigendos V. explicandam reservavimus S. Quam ad regimen ecclesie sue sancte longevis temporibus conservare dignetur Spiritus gratie: septiformis. Data Valentie sub nostro sigillo secreto die XVIII januarii anno a nativitate Domini MCCCCXVIII°. - Rex Alfonsus. - Ejus humilis filius et devotus Alfonsus rex Aragonum et Sicilie sanctissimo ac beatissimo in Christo patri et domino domino M. divina providencia sacrosancte romane ac universalis ecclesie summo pontifici. Dominus rex mandavit michi Paulo Nicholai.

cliii-reg-2784-fol-34-6-feb-1421

XVIII, perg 63, 7 julio 1136

XVIII
Perg. N°63. 7 jul. 1136.

Cunctis innotescere volumus qualiter Guillelmus Raimundi Senescalci et uxor ejus Beatrix se presentaverunt ante archiepiscopum terrachonensem. Erat enim questio inter eos de conjugio suo utrum possent in eodem conjugio juste remanere. Qui auditis et discussis eorum rationibus et acceptis probationibus non sine sacramento judicavit divorcium debere fieri inter eos: verum amici eorum composuerunt pacem hoc modo inter eos. Laudaverunt siquidem ut ipsum honorem qui fuit Berengarii Raimundi Montis Catani ita inter se haberent. Primum quidem ut ipsas dominicaturas dum ipsa viveret haberent per medium. Staticam vero castrorum per singulos annos habeat VI mensibus GuillelmusRaimundi et Beatrix VI aliis mensibus donec ipsa maritum accipiat. Milites autem ipsius honoris faciant hominium Beatrici eo quod si Guillelmus Raimundi hoc ei frangere temptaverit valeant Beatrici et teneant se cum illa donec Guillelmus predictus quod infregerit ei restituat. Si vero Beatrix virum acceperit habeat in vita sua medietatem omnium dominicaturarum et staticam Sancti Marcialis per meliorationem cum laboratione boum sine alicujus contrarietatis obstaculo: et post obitum suum remaneant filiis vel filiabus de Guillelmo Raimundi in se procreatis: et quod Beatrix in vita sua non impediat sue jamdicte partis honorem vinditione impigneratione vel donatione vel aliquo modo quo filiis suis et Guillelmi Raimundi ad perditionem veniret. Sed milites ipsi stent in hominio Beatricis usque ad obitum ejus. Excepto hoc Beatricis hominio ipsi milites serviant Guillelmo Raimundi et sint sui et habeat eos solidos. Actum est hoc nonas julii anno XXVIII regni Ledovici regis. Sig+num Guillelmi Raimundi. Sig+num Beatricis qui hanc convenientiam laudaverunt et firmaverunt. Sig+num Raimundi comes. Sig+num Reamballi de Baseia. Sig+num Raimundi Renardi. Sig+num Petri Bertrandi de Belloloco. Sig+num Bernardi de Belloloco. Sig+num Berengarii de Cheralto. Sig+num Bernardi Guillelmi de Luciano. Sig+num Guillelmi de Pugalto. Sig+num Poncii scriptoris comitis qui hoc scripsit die annoque prephato litteris fusis in linea V et superpositis in XI et rasis in prima et superpositis et emendatis in linea VIII et rasis in linea III et prima.