LXXXVI, legajo cartas reales, 79, 11 diciembre 1339

LXXXVI.
Leg. de cartas reales. Núm 79. 11 dic. 1339.

Petrus Dei gratia rex Aragonum Valencie Sardinie et Corsice comesque Barchinone dilecto nostro vicario Barchinone et Vallensis vel ejus locum tenenti salutem et dileccionem.
Cum nonnulli ut perpendimus capiant perdices cum filiatis et cum losella et etiam interficiunt cum ballista nosque velimus quod dicte perdices per modum predictum nisi cum avibus capiantur sive interficiantur: propterea vobis dicimus et mandamus quatenus ut omnibus nota sint predicta preconitzari publice in locis assuetis faciatis quod nullus audeat capere vel interficere perdices nisi cum avibus sub pena sexaginta solidorum quorum medietas fisco regis aplicetur et alia medietas acusatori tribuatur: quam quidem penam a contrafacientibus absque remissione aliqua habeatis.
Data Barchinone tercio idus decembris anno Domini millessimo trecentessimo tricesimo nono.

Nota: losella: lloseta.

https://historia-aragon.blogspot.com/2020/02/lxxxvii-cartas-reales-jaime-ii-716-hegira.html

LXXXV, 4 marzo 1272 (de 1338; callum judaicum Barchinone)

LXXXV. 4 mar. 1272. (1338)

Petrus Dei gratia rex Aragonum Valencie Sardinie et Corsice comesque Barchinone.
Fideli nostro Guillermo Maxella jurisperito Barchinone salutem et gratiam. Quia ad audienciam nostram noviter est deductum quod nobilis Jordanus de Illa consensit et voluit celebrari officium misse intus judariam seu callum judaicum Barchinone in domo videlicet Samuelis Benvenist judei et sacrificari corpus inibi Jhesus-Christi occasione cujus est per nos cum res hujusmodi sit enormis quod intra habitaciones infidelium tale divinum misterium celebretur contra dictum judeum et bona sua fortiter procedendum: ideo vobis dicimus et mandamus expresse quatenus adversus dictum judeum predicta ratione diligentissime inquiratis: et ipsa inquisitione perfecta ipsum judeum tam in persona quam bonis suis juxta ipsius inquisitionis merita condempnetis taliter quod ejus pena sit exemplum de cetero judeis quibuscumque volentibus similia in suis domibus consentire nos enim vobis super hiis vices nostras comittimus plenarie per presentem. Et nichilominus cum hac eadem vicario Barchinone et Valensis damus firmiter in mandatis quod incontinenti visis presentibus capiat dictum judeum et tamdiu teneat captum si et prout faciendum fuerit donec per vos fuerit terminatum quid de ipso judeo et bonis suis predictis fuerit faciendum aut nos aliter providerimus super eo.
Data Valencie IIII nonas marcii anno Domini millessimo CCC° XXX° octavo. (1338)

lxxxvi-legajo-cartas-reales-79-11-diciembre-1339