Perg.n°121. Dic. 1140.
In Christi nomine et eternus gracia. Ego Raimundus Dei gratia comes barchinonensis et princeps Aragonensis facio hanc cartam donationis et confirmationis tibi Garcia Garcez. Placuit mihi libenti animo et spontanea volumptate et propter servicia que mihi fecisti et cotidie facis dono tibi in castro Sangarren illas casas et tota illa hereditate qui fuit de Abein Sordo Moro quomodo ille inde melius fuit et tenet et uno casale in illo castello prope illa casa de Enneco Garzez ubi facias tua casa. Et hoc totum dono tibi et concedo ut habeas illut ingenuum et liberum et francum ad tuam propriam hereditatem tu et filii tui et omnis generatio tua per secula salva mea fidelitate et de omni mea posteritate per secula seculorum. Sig+num Raimundi comes. Facta carta in era MCLXXVIII in mense dezembris in civitate Barbastro. Dominante me Dei gratia in Aragonia in Superarbi et Ripa Curcia sive in Barchinona. Episcopo Dodo in Osca. Comite Roderici in Osca. Ferriz in Santa Eulalia. Galindo Ximinones in Albala. Gomiz in Aierbe. Lope Fregones in Loarre. Aba Fortunio in Monte Aragon. Sango in Antillon. Frego Dato in Petra Selis. - Ego Sancius de Petra Rubea jussu domini mei comitis hanc cartam scripsi et hoc signum feci + et pincxi .
