R CODICE DERTUSENSI N.°41.
Carmina quae sequuntur unam codicis paginam sine inscriptione
replent. Jam pro parte edita sunt inter opera HILDEBERTI Cenomanensis
episcopi (ed. Beaugendre, 1708, col. 1351), scil. versus 9-10 cum
titulo: De sumptione sacrae eucharistiae, ac versus 1-8 cum titulo:
Poenitentia ad rectam eucharistiae administrationem necessaria. At
num sint Hildeberti valde dubitandum. Cf. HAURÉAU, Les mélanges poétiques d' Hildebert de Lavardin, p. 101-102.
Astans altari,
pia mens, gaude lacrimari;
Libans libari, sacrans curato sacrari.
Agnum fiendo vora, fiens dilue membra cor ora,
Misterio magno
propians sis agnus in agno.
Agnum sumpturus sis omni crimine
purus,
Nec prius hunc capias quam fiendo victima fias.
Te
primum luctu, post vitae pascito fructu:
Lacrima dat risum, mala
demit, emit paradisum.
Dat Jhesum Ihesus, manet omnis ab omnibus
esus
Manditur illesus, bibitur non vulnere cesus.
Misterium
pulcrum: cruor ara, calixque sepulcrum,
Corpus grana sacrum,
cruor uva fit. unda lavacrum.
Fac bona, feda lava, rege te, cole
jus, fuge prava.
Cerne quid es, quid eris, modo fios cras fex
morieris;
Te non communi sed unifica dape muni:
Hec manet,
illa perit; hanc mens, illam caro querit.
Penam pertracta, fugis
hinc erronea facta:
Pena stat, error abit; quos hic ligat illa
ligabit.
Ve tibi, ve tibi ve! qui perdis tempus olive;
Qui pro
flore brevi perdis bona perpetis evi.
