Perg.
n.2146. Jai.I. 20 mar. 1272.
Noverint universi quod cum nos Jacobus Dei gracia rex Aragonum Majoricarum et Valencie comes Barchinone et Urgelli et dominus Montispesulani mandaverimus R. de Cardona P. de Berga R. de Urgio et omnibus aliis pro nobis feuda tenentibus in Cathalonia ut nos secundum quod hactenus ipsi et sui predecessores nobis et nostris antecessoribus facere consueverunt et tenentur sequerentur in Ispaniam in subsidium fidei chistiane et dilectissimi generis nostri regis Castelle contra sarracenos et perfidos christianos adherentes regi Granate et aliis infidelibus inimicis Dei et fidei et regis Castelle jamdicti prout tenentur de usu et consuetudine comitatus Barchinone et jure et hactenus sui predecessores facere consueverunt nostris antecessoribus in facto Ubede Almerie Provincie et nobis in Navarra Majorica Valencia Murcia et pluribus aliis locis: et ipsi superius nominati repugnantes nostris mandatis obedire pro se et quibusdam aliis scientes ipsos de jure teneri ex consuetudine juxta valorem feudorum nos sequi in Ispaniam et quecumque alia loca secundum quod in usatico Barchinone continetur allegantes quod nos in Ispaniam in auxilium dicti regis sequi nullomodo tenebantur: petierunt a nobis sibi judices dari qui cognoscerent el diffinirent utrum nos ut feudales in Ispaniam sequi teneantur in auxilium regis Castelle predicti: dicimus et protestamur nos paratos esse dare in judicem ad cognoscendum et diffiniendum utrum nos ratione feudorum in Ispaniam sequi teneantur in auxilium dicti regis virum venerabilem archiepiscopum Tarracone qui quidem dictam questionem quia celeritatem desiderat infra Pascham diffiniat: cum nullum nobilem seu nobiles de Catalonia super hiis dare judices teneamur quia dicta questio universaliter et generaliter et specialiter tangit nobiles et milites Catalonie pro nobis feuda tenentes: precipientes et mandantes eisdem sub pena amissionis feudorum et juramenti fidei et homagii quibus nobis tenentur ut nos qui cum inimicis fidei predictis intendimus personaliter bellare sequantur et nos ad invicem ut fideles vassalli in negocio supradicto. Et de predictis omnibus et singulis ad eternam memoriam et in testimonium rei geste precipimus fieri publicum instrumentum. Actum est hoc XIII kalendas aprilis anno incarnationis Christi MCCLXX secundo presentibus archiepiscopo antedicto A. Dei gracia episcopo Barchinone episcopo Dertusense Ferrando Sancii filio domini regis magistro templi magistro hospitalis abbate Fontisfrigidi abbate Populeti Jacobo de Cervaria Gaucerando de Pinos R. de Urgio R. de Cervaria domino Junete Guilaberto de de Scintillis Fortunno de Bergua en Bruyl Maymoro de Castro Aulino et Alberto de Lavayna judice domini regis. - Sig+num mei Berengarii de Vinealibus qui de mandato Petri de Solerio notarii publici ilerdensis hoc scripsi. - Sig+num mei Petri de Solerio notarii publici ilerdensis qui predictis omnibus interfui publicavi et scribi feci.
Noverint universi quod cum nos Jacobus Dei gracia rex Aragonum Majoricarum et Valencie comes Barchinone et Urgelli et dominus Montispesulani mandaverimus R. de Cardona P. de Berga R. de Urgio et omnibus aliis pro nobis feuda tenentibus in Cathalonia ut nos secundum quod hactenus ipsi et sui predecessores nobis et nostris antecessoribus facere consueverunt et tenentur sequerentur in Ispaniam in subsidium fidei chistiane et dilectissimi generis nostri regis Castelle contra sarracenos et perfidos christianos adherentes regi Granate et aliis infidelibus inimicis Dei et fidei et regis Castelle jamdicti prout tenentur de usu et consuetudine comitatus Barchinone et jure et hactenus sui predecessores facere consueverunt nostris antecessoribus in facto Ubede Almerie Provincie et nobis in Navarra Majorica Valencia Murcia et pluribus aliis locis: et ipsi superius nominati repugnantes nostris mandatis obedire pro se et quibusdam aliis scientes ipsos de jure teneri ex consuetudine juxta valorem feudorum nos sequi in Ispaniam et quecumque alia loca secundum quod in usatico Barchinone continetur allegantes quod nos in Ispaniam in auxilium dicti regis sequi nullomodo tenebantur: petierunt a nobis sibi judices dari qui cognoscerent el diffinirent utrum nos ut feudales in Ispaniam sequi teneantur in auxilium regis Castelle predicti: dicimus et protestamur nos paratos esse dare in judicem ad cognoscendum et diffiniendum utrum nos ratione feudorum in Ispaniam sequi teneantur in auxilium dicti regis virum venerabilem archiepiscopum Tarracone qui quidem dictam questionem quia celeritatem desiderat infra Pascham diffiniat: cum nullum nobilem seu nobiles de Catalonia super hiis dare judices teneamur quia dicta questio universaliter et generaliter et specialiter tangit nobiles et milites Catalonie pro nobis feuda tenentes: precipientes et mandantes eisdem sub pena amissionis feudorum et juramenti fidei et homagii quibus nobis tenentur ut nos qui cum inimicis fidei predictis intendimus personaliter bellare sequantur et nos ad invicem ut fideles vassalli in negocio supradicto. Et de predictis omnibus et singulis ad eternam memoriam et in testimonium rei geste precipimus fieri publicum instrumentum. Actum est hoc XIII kalendas aprilis anno incarnationis Christi MCCLXX secundo presentibus archiepiscopo antedicto A. Dei gracia episcopo Barchinone episcopo Dertusense Ferrando Sancii filio domini regis magistro templi magistro hospitalis abbate Fontisfrigidi abbate Populeti Jacobo de Cervaria Gaucerando de Pinos R. de Urgio R. de Cervaria domino Junete Guilaberto de de Scintillis Fortunno de Bergua en Bruyl Maymoro de Castro Aulino et Alberto de Lavayna judice domini regis. - Sig+num mei Berengarii de Vinealibus qui de mandato Petri de Solerio notarii publici ilerdensis hoc scripsi. - Sig+num mei Petri de Solerio notarii publici ilerdensis qui predictis omnibus interfui publicavi et scribi feci.
