LVI, reg 6, fol 70, 21 marzo 1281

LVI. 

Reg. núm. 6, fol. 70. 21 mar. 1281.

Nobili et dilecto viro Roderico Eximini de Luna procuratori regni Valencie salutem et dilectionem. Noveritis quod eo ut barones milites et alii euntes in armata nostra possint se melius et spaciosius preparare elongavimus terminum quem assignaveramus ad recolligendum per totum proximum mensem aprilis ita quod prima die mensis maii proximo venturi sint parati et veniant omnes ad recolligendum se. Quare vobis dicimus et mandamus quatenus significetis hoc omnibus mesnaderiis et militibus Aragonum qui ituri sunt in armata nostra dicendo vel mitendo eis dicere et rogare ex parte nostra quanto efficacius poteritis quod dicta prima die mensis maii sine aliquo elongamento non defficiant aliqua ratione quin venerint quilibet eorum cum omnibus aparatibus suis ad loca eis deputata ad recolligendum parati se recolligere incontinenti. Datum ut supra anno predicto. - Idem P. de Sancto Clementi.

lvii-reg-6-fol-100-12-agosto-1283

XXVI, reg 9, fol 34, 6 septiembre 1257

XXVI. 

Reg.9. Fol. 34. 6 set. 1257. (M°CC°L septimo)

Jacobus etc. viris nobilibus et dilectis riquis hominibus militibus ac fidelibus suis civibus Valentie hominibus Xative alcaylis et universis hominibus castrorum villarum omnium locorum totius regni Valencie tam christianis quam judeis et sarracenis salutem et gratiam. Noveritis nos comississe ac tradidisse nobili viro et dilecto nostro Eximino de Focibus procurationem et regimen totius regni Valencie: quare vobis dicimus et mandamus firmiter et districte quatenus recipientes ipsum bene et honorifice eidem omnimodam reverentiam et dilectionem in omnibus exibere curetis et obedientes ei fideliter et devote eundem juvetis ad tenendam et exercendam justitiam et in exercitibus et cavalcatis et omnibus aliis faciendis et complendis que cedant ad utilitatem et salvamentum nostri et deffensionem tocius regni Valencie ipsum sequamini quandocumque et quotienscumque ab ipso fueritis requisiti et faciatis cum eo in omnibus sicut nobis specialiter faceretis. Preterea cum nos primas appellaciones causarum omnium que inter quoslibet vestrum tractabuntur sibi concesserimus audiendas et determinandas: mandamus vobis firmiter quatenus primas apellaciones omnes universi et singuli in causis vestris faciatis ad eum et ab eo vel locum ejus tenente super eis sentencias audiatis ita tamen quod ab ipsius sentencia seu sentenciis vel tenentis locum ipsius quilibet ad nos valeat appellare. Datum Ilerde VIII° idus septembris anno Domini M°CC°L septimo.

Sigue con el Tratado de Corbeil en latín

XXIV, reg 9, fol 31, 29 agosto 1257

XXIV. 

Reg.9. Fol.31.29 ag. 1257.

Dompno Alfonso infanti Aragonis. Scribimus richis hominibus militibus alcaydis civibus Valentie et universis hominibus castrorum et villarum omnium regni Valentie quod vobis jurent et faciant homagium quod post dies nostros habeant vos et vestros regem suum et dominum naturalem absolventes eos ab ipso juramento et homagio quod jam infanti Jacobo filio nostro fecerant de mandato nostro: de qua absolucione eis fecimus instrumentum fieri sigilio majore nostro signatum. Unde vos rogamus et dicimus ac mandamus vobis firmiter quatenus vos juretis eis similiter observare foros et consuetudines suas ac monetam istam quam habent secundum quod in instrumento quod inde eis fecimus continetur et donationes et vendiciones eis a nobis et a quibuslibet aliis hucusque factas et de cetero faciendas. Datum Ilerde IIII° kalendas septembris (1257).

xxv-reg-9-fol-36-6-septiembre-1257